បានជួបខ្មែរម្នាក់ហើយ​​

បានមោហ៏ដល់ ឡា​ រូសឆែល អត់មានសិស្សខ្មែរទេ​ ស្មានថាដូចនៅកន្លែងផ្សេងៗមានសិស្សខ្មែរអីដែរ។មានថ្ងៃមួយនោះខ្ញុំនិងមិត្តភក្តមួយទៀតមកជាមួយគ្នា​ បាននិយាយខ្មែរនៅកន្លែងញាំបាយមហាវិទ្យាល័យ ស្រាប់តែមានម្នាក់នោះមើលមុខ។​ ខ្ញុំមើលទៅដូចជាអាស៊ី ដែរ តែអត់ហ៊ានសូដោយឃើញគេមានមិត្តភក្តសុទ្ធតែបារាំងហើយក្លាចសូរគេទៅគេខឹង។​ ណាមួយទៀតបើគេជាខ្មែរហើយចង់រាប់អានយើងគេប្រហែលជាសូយើងហើយ។​ បន្ទាប់មកចេះតែឃើញម្នាក់នោះច្រើនដងដែរ។ ស្រាប់តែថ្ងៃនេះគេមោហ៏សូរខ្ញុំ Vous êtes Cambodien? (Are you Cambodian) ខ្ញុំឆ្លើយថា Oui (Yes)។​ស្រាប់តែគេនិយាយមួយៗដូចកូនក្មេងជាភាសារខ្មែរថា "ខ្ញុំកូនខ្មែរដែរតាស"។​ អូហ៏រាងភ្ញាក់ភ្អើលហើយក៏សប្បាយចិត្តខ្លាំងដែរ។​ និយាយគ្នាច្រើនដែរ តែនិយាយជាភាសាបារាំង ព្រោះគេជាកូនខ្មែរដែលកើតនៅបារាំង អត់សូវចេះនិយាយភារសារខ្មែរទេ តែគេអាចស្ដាប់បានភារសាខ្មែរភាគច្រើន ស្ទើរតែទាំងអស់។ ព្រោះថាគេអត់សូវបាននិយាយភារសាខ្មែរផង​ នៅសាលានិយាយតែភាសារបារាំង។

សមុទ្រស្រុកខ្មែរយើង

គិតៗទៅមនុស្សយើងពេលបែកឆ្ងាយពីស្រុកទើបដឹងថានឹកស្រុកបានមកដល់ស្រុកគេគិតថាសប្បាយចិត្តដែរ​ ចេញពីព្រលានយន្តហោះមោហ៏ឃើញមានផ្ទះអីខ្ពស់ៗ​​ មានផ្លួវអីស្អាតៗ។​ជាងនេះទៀតបានបន្ទប់មួយតួចល្មមស្អាត​ មើលពីបង្អួចបានឃើញសមុទ្រ។​​ មានថ្ងៃមួយនោះខ្ងុំបានដើរទៅសមុទ្រ​ លោកអើយស្មានតែដូចនៅកំពង់សោមក្រុងយើង​ដឹងអីស្ងាត់អោយឈឹង​ ដើរយូៗបានឃើញមានមនុស្សម្នាក់។​​ បើនិយាយដល់កំពង់សោមក្រុងវិញ​ អាហា​​ មឹកអាំង​​ មឹកអាំង។

សមុទ្រយើងមានទអន់អី បើនិយាយពីពេលព្រឹកមានឆ្នេរសមុទ្ររាបស្មើរគួរអោយចង់រត់លេង ពេលថ្ងៃឡើងដូចរៀងក្តៅបន្តិច​ ក៏បន្តែបានអង្គុយនៅខ្ចុះមាត់សមុទ្រ​ ញ៉ាំមឹកអាំងស្រូបខ្យល់អាកាសអីទៅ អាហា! គិតមើលទៅថែមទាំងមានលេងបៀរទៀត​ ជុំមិត្តជុំភក្តអីទៅ អូហូ!។​​ ម៉ោងបីរសៀលអីដូចត្រជាក់បន្តិច អាចរត់លេងលើឆ្នេរបានហើយចុះងូតទឹកបានហើយ។​​ បើនិយាយពីពេលល្ងាចវិញមានថ្ងៃលិចស្អាតណាស់ ជាការណែនាំមួយ​ បើទៅកំពង់សោមក្រុងកុំភ្លេចរងចាំមើលថ្ងៃលិចណា។

ថ្ងៃលិចដ៏ស្អាតនៅកំពង់សោមក្រុងយើង